Nýjasta mynd leikstjórans Michael Haneke, Hvíti borðinn, hefur hlotið frábærar viðtökur hér á landi sem annars staðar. Hún fékk meðal annars gullpálmann í Cannes og var tilnefnd til óskarsverðlauna sem besta erlenda mynd. Hvíti borðinn, gerist árið 1913 og fjallar um dularfulla glæpi í þýsku mótmælendaþorpi í aðdraganda fyrri heimsstyrjaldarinnar. Hún er ekki fyrsta mynd leikstjórans sem vekur athygli, áhugafólk um kvikmyndir hefur fylgst með honum lengi. Kvika mælir með því að þeir sem hafa séð Hvíta borðann og hrifist sjái einnig fleiri af myndum hans, en auðvelt er að nálgast þær á myndbandaleigum.
Kvika segir að þessu sinni frá versta leikstjóra í heimi, Alan Smithee, sem engin vill líkjast en er skrifaður fyrir mörgum myndum. Gunnar Tómas Kristófersson, Kvikulærlingur sem nú nemur í Þýskalandi kíkti á feril þessa dularfulla manns.
Ótrúlegt en satt, það var ekki fyrr en í áttugasta og annað skipti sem gyllti kallinn var afhentur, óskarinn sem öll kvikmyndaskáld þrá en fæstir fá, í að kona fékk verðlaunin fyrir bestu mynd ársins. Já, í 81 ár höfðu hvítir karlmenn hampað styttunni en loksins, 2010 var sá möguleiki í stöðunni að annað hvort kona eða þelþökkur karlmaður bæri sigur úr býtum í fyrsta sinn. Og það gerðist, Kathryn Bigelow vann. Við heyrðum í upphafi brot úr þremur myndum hennar, Blue Steel frá 1990, Strange Days frá 1995 og brot úr óskarsverðlaunayndinni The Hurt Locker. En hver er hún þessi kona, há, grönn, ljóshærð með yfirbragð töffara?
Jesse Hartman fæddist á Long Island og var forsprakki nokkurra unglingahljómsveita. Hann lærði kvikmyndafræði og kvikmyndagerð við Vesleyan háskóla og flutti í framhaldi af því til New York. Þar hefur hann undanfarin áratug verið áberandi í tónlistar- og kvikmyndalífi. Jesse Hartman hefur meðal annars verið kallaður undrabarn í tónlist, nútímalegt beat-skáld og skæruliði meðal ungra kvikmyndagerðarmanna.Fyrsta stuttmynd hans ,,Happy Hour” hlaut frábærar viðtökur og vann verðlaun sem besta stuttmyndin á kvikmyndahátíðinni í Berlín. Síðan hefur hann leikstýrt fjölmörgum tónlistarrmyndböndum og stuttum heimildamyndum og nú er hefur fyrsta mynd hans í fullri lengd, Hús fullnægjunnar, verði frumsýnd.
Hér undir hljómar brot úr fjórða þætti Brúðkaups Figaros eftir Wolfgang Amadeus Mozart. Það er St. Martin in the Fields hljómsveitin sem flytur undir stjórn Sir Neville Marriner. Einsöngvarar eru Samuel Ramey og Felicity Lott. Leikið af diski sem inniheldur tónlistina úr kvikmyndinni Amadeus eftir tékkneska leikstjórann Milos Forman en hann verður heiðursgestur á Alþjóðlegri kvikmyndahátíð í Reykjavík.
